Qo'llab-quvvatlash
. UZS
. UZS
Bugun Centrum Holding idorasida xolding rahbariyati va Amerika Qo‘shma Shtatlarining O‘zbekiston Respublikasidagi Favqulodda va Muxtor Elchisi janob Jonatan Xenik boshchiligidagi AQSH elchixonasi delegatsiyasi o‘rtasida amaliy uchrashuv bo‘lib o‘tdi. Uchrashuvda Centrum Holding tomonidan kompaniya asoschisi va bosh direktori Abdulaziz Abduraxmanov hamda hammuassis va aksiyador Hafizjon Gafurov boshchiligidagi delegatsiya ishtirok etdi.
Tomonlar Amerika kompaniyalari va xolding korxonalari o‘rtasida fuqaro aviatsiyasi, logistika, turizm, aviatsiya kadrlarini tayyorlash, shuningdek, investitsiyaviy va moliyaviy hamkorlik sohalarida aloqalarni kengaytirish istiqbollarini muhokama qildilar.
Uchrashuv davomida Centrum Holding yo‘lovchi aviakompaniyasi Centrum Air, yuk tashuvchi My Freighter, logistika va turizm yo‘nalishlari, shuningdek ishlab chiqarish korxonalarini o‘z ichiga olgan biznes tuzilmasini taqdim etdi. Bugungi kunda xoldingning umumiy havo kemalari parki 25 ta samolyotni tashkil etmoqda va flotni faol kengaytirish bo‘yicha rejalar mavjud.
Aviatsiya texnikasi va butlovchi qismlar yetkazib beruvchi Amerika kompaniyalari bilan hamkorlikni rivojlantirish, shuningdek, Boeing va boshqa ishlab chiqaruvchilar bilan sheriklik aloqalariga alohida e’tibor qaratildi. Holding Amerika aviatsiya texnikasini sotib olishni davom ettirish va flotni kengaytirish niyatini tasdiqladi. Xususan, 2026-yilda My Freighter yuk tashuvchi bo‘linmasini beshta Boeing havo kemasi bilan to‘ldirish rejalashtirilgan.
Yo‘lovchi tashish yo‘nalishida tomonlar AQSH bozoriga chiqish rejalarini muhokama qildilar. Bunda asosiy e’tibor o‘zbek diasporasi hamda mamlakatlar o‘rtasida ortib borayotgan turistik va ishbilarmonlik oqimi uchun qulay aviaaloqani ta’minlashga qaratilgan. Samarqand – Nyu-York va Toshkent – Mayami yo‘nalishlari istiqbolli marshrutlar sifatida ko‘rib chiqilmoqda. Parvozlarni Yevropada, jumladan Litvada tranzit texnik to‘xtashni amalga oshirgan holda bajarish rejalashtirilmoqda.
Yuk tashish segmentida My Freighter xalqaro aviakompaniyalar, jumladan, American Airlines, Delta Air Lines va boshqa hamkorlar bilan tuzilgan interlayn kelishuvlar doirasida allaqachon AQShga yuk tashuvlarini amalga oshirmoqda. Eksport yetkazib berishlarning salmoqli qismini AQSh bozorida talab yuqori bo‘lgan o‘zbek meva-sabzavotlari, shuningdek, yangi meva-sabzavot mahsulotlari tashkil etadi.
Bundan tashqari, tomonlar AQShning Florida shtatida joylashgan Embry-Riddle Aeronautical University bilan hamkorlikda O‘zbekistonda aviatsiya universitetini tashkil etish tashabbusini muhokama qildilar. Loyiha xalqaro standartlar asosida uchuvchilar, muhandislik va texnik mutaxassislarni tayyorlash hamda mintaqa aviatsiya sohasi uchun professional kadrlarni rivojlantirishga qaratilgan.
Alohida blokda xoldingning investitsiya rejalari, jumladan, ommaviy kapital bozorlariga chiqishga tayyorgarlik ko‘rish masalalari muhokama qilindi.
Uchrashuv yakunida tomonlar O‘zbekiston va AQSh biznesi o‘rtasida amaliy hamkorlikni kengaytirish va uzoq muddatli sheriklikni rivojlantirishga o‘zaro qiziqish borligini tasdiqladilar.
«Amerika kompaniyalari bilan hamkorlikni chuqurlashtirish borasida nafaqat aviatsiya va logistika sohalari, balki ta’lim va investitsiyalar yo‘nalishida ham katta salohiyatni ko‘rmoqdamiz. Biz uchun uzoq muddatli sheriklikni yo‘lga qo‘yish, ilg‘or texnologiyalar va ekspertizani jalb etish, shuningdek, yo‘lovchilar, biznes va umuman O‘zbekiston iqtisodiyoti uchun yangi imkoniyatlar yaratish muhim», – deya ta’kidladi Centrum Holding asoschisi va bosh direktori Abdulaziz Abdurahmanov.
Yo‘lovchilar qulayligi va xavfsizligi uchun Centrum Air reyslarida samolyot saloniga qo‘l yukini olib kirish bo‘yicha yagona me’yorlar amal qiladi.Har bir yo‘lovchi vazni 8 kg gacha bo‘lgan bir dona qo‘l yukini bortga bepul olishi mumkin.Umumiy o‘lchamlar 115 sm dan oshmasligi kerak, tavsiya etilgan o‘lcham – 55 × 35 × 25 sm. Hisob-kitobga barcha elementlar: cho‘ntaklar, tutqichlar va g‘ildiraklar kiritiladi.Ro‘yxatdan o‘tish vaqtida qo‘l yukiga maxsus birka yopishtiriladi.Aeroportda qo‘l yuki kalibrator yordamida tekshirilishi mumkin: sumka uning ichiga erkin sig‘ishi lozim. Samolyotga chiqish vaqtida ham takroriy tekshiruv amalga oshirilishi mumkin.Salonda qo‘l yuki oldindagi o‘rindiq ostiga yoki yuk tokchasiga joylashtiriladi. Standart qo‘l yuki o‘rniga ixcham buklanadigan bolalar aravachasini (trost-kolyaska) tashishga ruxsat beriladi.Belgilangan me’yordan tashqari, yo‘lovchilar qo‘shimcha ravishda quyidagilarni o‘zlari bilan olishlari mumkin:kichikroq ryukzak, ayollar sumkasi yoki noutbuk sumkasi (30 × 40 × 10 sm gacha),yopinchiq,mutolaa uchun materiallar,bolalar taomi,soyabon yoki hassa,Duty Free do‘koni xaridlari solingan bitta paket.Ushbu buyumlar asosiy qo‘l yukini o‘lchashda hisobga olinmaydi.Qo‘l yuki belgilangan miqdor, vazn yoki o‘lcham me’yorlaridan oshsa, uni ro‘yxatdan o‘tish peshaxonasida ro‘yxatdan o‘tkaziladigan bagaj sifatida rasmiylashtirish lozim. Bunday holda tariflarga muvofiq qo‘shimcha to‘lov talab qilinishi mumkin.Qo‘l yuki o‘lchamlari va vazniga rioya qilish — barcha yo‘lovchilarning qulayligi hamda reyslarni o‘z vaqtida amalga oshirishning muhim shartidir.Bagaj va qo‘l yukini tashish me’yorlari haqida batafsil ma’lumotlar elektron marshrut kvitansiyangiz, shuningdek, Centrum Air rasmiy saytida mavjud.
16 Fevral, 2026
Centrum Air aviakompaniyasi ichki reyslar uchun ro‘yxatdan o‘tishni yopish va bortga chiqishni yakunlash vaqtlarini o‘zgartirdi.Ro‘yxatdan o‘tish parvozga 45 daqiqa qolganida yopiladi;Samolyotga chiqish parvozga 25 daqiqa qolganida yakunlanadi.O‘zgarishlar reyslar punktualligini oshirish va jadvalning o‘z vaqtida bajarilishini ta’minlashga qaratilgan. Yangi qoidalar mahalliy yo‘nalishlarga, jumladan, Urganch (Xiva), Nukus, Buxoro va Termiz shaharlariga amalga oshiriladigan parvozlarga taalluqlidir. Yo‘lovchilarga barcha parvozoldi jarayonlaridan xotirjam o‘tishlari uchun aeroportga vaqtliroq kelish tavsiya etiladi.Centrum Air o‘z yo‘lovchilari uchun parvozlar jadvali barqarorligi, qulaylik va yuqori darajadagi xizmatni ta’minlash maqsadida operatsion jarayonlarni takomillashtirishda davom etadi.
26 Yanvar, 2026
O‘zbekiston Respublikasi Prezidenti Shavkat Mirziyoyev yaqinda Pokistonga amalga oshirgan tashrifi doirasidagi nutqida ikki mamlakat o‘rtasida to‘g‘ridan-to‘g‘ri aviaqatnovlarni kengaytirish masalasini alohida ta’kidlab, joriy yil aprel oyidan boshlab Centrum Air Lahor yo‘nalishi bo‘yicha muntazam yo‘lovchi reyslarini yo‘lga qo‘yishini, My Freighter esa Karachiga yuk tashuvlarini ochishini qayd etdi.Yangi yo‘nalishlar ishbilarmonlik, turizm va logistika aloqalarini mustahkamlash, shuningdek, O‘zbekiston va Pokiston o‘rtasidagi savdo-iqtisodiy hamkorlikni rivojlantirishga qaratilgan.«Centrum Air va My Freighter loyihalari davlatlararo kun tartibining bir qismiga aylanayotgani hamda mintaqaning transport bog‘liqligini rivojlantirishga hissa qo‘shayotgani biz uchun katta sharaf. O‘zbekiston va Pokiston o‘rtasidagi o‘zaro manfaatli aloqalarni mustahkamlash jarayonining bir qismi bo‘layotganimizdan chin dildan xursandmiz. Yangi yo‘nalishlarning ochilishi bu shunchaki parvozlar geografiyasini kengaytirish emas, balki biznes, turizm va hududlarimizning qo‘shma rivojlanishini qo‘llab-quvvatlaydigan barqaror “havo ko‘prigi”ni shakllantirish hamdir», – dedi Centrum Holding asoschisi va bosh direktori Abdulaziz Abdurahmanov.
9 Fevral, 2026
© 2026. ООО "My Freighter",
Centrum Air™ — Barcha huquqlar himoyalangan
