Qo'llab-quvvatlash
. UZS
. UZS
Centrum Air aviakompaniyasi O‘zbekiston Basketbol federatsiyasi bilan rasmiy homiy sifatida hamkorlik boshlanganini e’lon qildi. Sportni qoʻllab-quvvatlash kompaniyaning sogʻlom turmush tarzini targʻib qilish va mamlakat yoshlarini rivojlantirishga qaratilgan uzoq muddatli barqaror rivojlanish va ijtimoiy masʼuliyat (ESG) strategiyasining bir qismidir.
Centrum Air sport tashabbuslari va faol turmush tarzini ommalashtirishga izchil sarmoya kiritmoqda. Kompaniya uchun bu sport tashkilotlari bilan hamkorlikdagi birinchi tajribasi emas: avval ham aviakompaniya «Andijon» FK homiysi sifatida mintaqaviy futbol va mahalliy hamjamiyatlar rivojini qo‘llab-quvvatlagan edi. Shuningdek, kompaniya 2025-yilda Dubayda bo‘lib o‘tgan V Yoshlar Paraosiyo o‘yinlarida O‘zbekiston sharafini himoya qilgan va 35 davlat orasida umumjamoa hisobida birinchi o‘rinni egallagan parapiyodachilarning parvozini ta’minladi. Bugun biz ham milliy darajaga chiqmoqdamiz hamda basketbolni rivojlantirish va yoshlar o‘rtasida faol turmush tarzini ommalashtirishga hissa qo‘shayotganimizdan mamnunmiz.
Federatsiya bilan yangi hamkorlik bu ishlarni milliy darajaga olib chiqadi. Hamkorlik doirasida qo‘shma imij va ijtimoiy loyihalarni, shuningdek, muxlislar hamda yo‘lovchilar orasida sportni targ‘ib qilishga qaratilgan maxsus tashabbuslarni amalga oshirish rejalashtirilgan.
Xususan, yaqinda Centrum Air taniqli fotosuratchi Gio Kardava muallifligida milliy terma jamoa basketbolchilari ishtirokida imij fotosessiyasi tashkil etildi.
Centrum Air uchun sportni qo‘llab-quvvatlash — bu mamlakat kelajagi, iqtidorlarni rivojlantirish va kuchli, hamjihat jamiyatni shakllantirishga qo‘shilgan hissadir.
Centrum Air aviakompaniyasi 10-mart kuni Guanchjoudan qaytayotgan o‘zbekistonlik xokkeychilarni Toshkentga olib keldi. Sportchilar vatanga aviakompaniyaning muntazam reysi bilan yetib kelishdi. Poytaxt xalqaro aeroportida jamoani muxlislar, sport hamjamiyati vakillari va rasmiylar kutib oldi.Xokkey bo‘yicha O‘zbekiston o‘smirlar terma jamoasi (U18) Gonkongda bo‘lib o‘tgan jahon chempionatida muvaffaqiyatli natijani qayd etishdi. Uchinchi divizion "A" guruhi turnirining hal qiluvchi o‘yinida o‘zbekistonlik xokkeychilar Isroil terma jamoasi ustidan 6:3 hisobida ishonchli g‘alaba qozonib, musobaqaning oltin medallarini qo‘lga kiritishdi. Turnir yakunlariga ko‘ra, terma jamoa 11 ochko jamg‘ardi va kelasi mavsumda jahon birinchiligining ikkinchi divizion "B" guruhida ishtirok etish huquqini qo‘lga kiritdi.Aviakompaniya mamlakatda sportni rivojlantirishda izchil ishtirok etib kelmoqda. Sportchilarni qo‘llab-quvvatlash aviakompaniya ijtimoiy missiyasining bir qismi hisoblanadi. Xususan, Centrum Air O‘zbekiston basketbol federatsiyasining rasmiy hamkori, “Andijon” futbol klubining titul homiysi hisoblanadi. O‘tgan yili Centrum Air xalqaro musobaqalarda ishtirok etib, vatanga qaytayotgan o‘zbekistonlik paralimpiyachilarnitashishni ta’minlagan edi.
10 Mart, 2026
8-mart kuni aviakompaniya Ar-Riyod – Toshkent yo‘nalishi bo‘yicha repatriatsiya reysini amalga oshirdi. Mazkur reys bilan 6-mart kuni Doha – Toshkent yo‘nalishida ucha olmagan yo‘lovchilarning qaytishi ta’minlandi. C63020 raqamli maxsus reys parvoz tashkil etilayotgan vaqtda Doha aeroporti yopiq bo‘lgani sababli Ar-Riyoddan bajarildi. Buning uchun yo‘lovchilar dastlab Saudiya Arabistoni poytaxtiga yetkazildi va u yerdan aviakompaniya ularning Toshkentga parvozini tashkil qildi.Aviakompaniya aviatsiya rasmiylari va aeroport xizmatlari bilan muvofiqlashtirilgan holda parvoz xavfsizligi va yo‘lovchilarning O‘zbekistonga qaytishini ta’minladi.Ushbu ishlarning davomi sifatida 10-mart kuni Ar-Riyod – Toshkent yo‘nalishida qo‘shimcha reys rejalashtirilgan:10-martC63020 Ar-Riyod 06:00 – Toshkent 14:00Mazkur reys O‘zbekiston Respublikasining Qatar Davlati va Saudiya Arabistoni Podshohligidagi elchixonalari hamda O‘zbekiston Respublikasi Transport vazirligi tashabbusi bilan mintaqadagi fuqarolarni olib chiqish uchun tashkil etildi. Yo‘lovchilarning bir qismi Qatarga boshqa aviakompaniya reyslari bilan kelgan bo‘lib, hozirda Centrum Air ko‘magida O‘zbekistonga qaytish imkoniyatini kutmoqda.Parvozlar xavfsizligi va kutilmagan vaziyatlarda yo‘lovchilarni qo‘llab-quvvatlash aviakompaniyaning ustuvor vazifasi bo‘lib qoladi.Centrum Air yo‘lovchilarga tushunganlari va ishonch uchun minnatdorchilik bildiradi.
7 Mart, 2026
Yaqin Sharqdagi joriy vaziyat munosabati bilan Centrum Air aviakompaniyasi O‘zbekiston Respublikasi aeroportlaridan Saudiya Arabistoni, Birlashgan Arab Amirliklari, Qatar va Isroil aeroportlariga muntazam reyslarni amalga oshirishni vaqtincha to‘xtatadi. Hozirgi vaqtda aviakompaniya faqat 2026-yil 28-fevralga qadar uchib ketgan yo‘lovchilarni O‘zbekistonga qaytarish maqsadida reyslarni amalga oshirmoqda. Yuzaga kelishi mumkin bo‘lgan tushunmovchiliklar va moliyaviy xatarlarning oldini olish uchun faqat tekshirilgan ma’lumot manbalaridan foydalanishni hamda tekshirilmagan vositachilarga murojaat qilishdan tiyilishingizni qat’iy tavsiya qilamiz. Barcha masalalar bo‘yicha qo‘llab-quvvatlash xizmatiga murojaat qiling: ✉️ CUSTOMERCARE@centrum-air.com 📞 +998 55 518 88 88 Aviakompaniya vaziyatni diqqat bilan kuzatishda davom etadi va barcha o‘zgarishlar haqida yo‘lovchilarga qo‘shimcha ma’lumot beradi.
3 Mart, 2026
© 2026. ООО "My Freighter",
Centrum Air™ — Barcha huquqlar himoyalangan
