Salom, Vladivostok! 

Shu soʻzlarni aytish va farahbaxsh dengiz shabadasidan nafas olish uchun Buxorodan Uzoq Sharqqa uzoq uchdik. Vladivostok bizni haqiqatan ham Istanbul, San-Fransisko va hatto Neapolni eslatadigan osma ko‘priklari va manzaralari bilan kutib oldi.

5-noyabr kuni Centrum Air aviakompaniyasi yangi yo‘nalish bo‘yicha birinchi — Buxoro — Vladivostok reysini amalga oshirib, O‘zbekistonning tarixiy durdonasi bilan Rossiyaning Uzoq Sharqdagi asosiy port shahri o‘rtasida to‘g‘ridan-to‘g‘ri havo qatnovini yo‘lga qo‘ydi.

Parvozlar haftasiga bir marta — chorshanba kunlari Buxorodan, payshanba kunlari esa Vladivostokdan amalga oshiriladi.

Bir tomonga bagajli aviachipta narxi — 4,3 mln so‘mdan. Samarqanddan uchadigan yo‘lovchilar uchun ham Vladivostokka reyslar mavjud — 3,4 mln so‘mdan.